اسلام آباد 05 مارچ (اے پي پي) د کابینه اقتصادي رابطه كمېټۍ (اي سي سي) د داخله وزارت بېلا بېلو منصوبو لپاره د 76 كروړه 88 لكه روپو ه زيات او د پاكستان بناٶ سرټيفيكېټس لپاره د بانكونو كنسورشيم خدمات ترلاسه كولو لپاره 18 كروړه ټېكنيكل سپليمنټري ګرانټ منظوري وركړې ده۔ د اي سي سي غونډه د نهې په ورځ د خزانې وزير اسد عمر په مشرۍ كښې وشوه۔ په غونډه كښې د داخله وزارت لخوا بېلا بېلې آسانۍ جوړولو او مرمت لپاره د ټېكنيكل سپليمنټري ګرانټ وركولو تجويز وړاندې كړې ٶ كوم چې په اسلام آباد هائي كورټ كښې د سي سي ټي وي كېمرو مرمت او بدلولو ٬ په اسلام آباد كېپيټل ټېريټري كښې د امنيتي ګاډو خرڅونو٬ د اي پاسپورټ پراجېكټ او د برېښنا بلونو د ادائيګو پحقله دي۔ اي سي سي د بحري چارو وزارت لخوا پورټ قاسم كښې د اضافي اېل اېن جي ټرمينل جوړولو د تجويز جاج واخستو او امر ئې وكړو چې په دې معامله د كار رفتار دې ګړندۍ كړې شي او د راتلونكې يخنۍ نه وړاندې د نوې ټرمينل جوړولو ټولې تقاضې دې بشپړ كړې شي۔ اي سي سي په مټياري ضلع كښې فضل فيلډ څخه د 9 اېم اېم سي اېف ډي ګاز سوئي سدرن ګاز كپمنۍ لمېټډ لپاره د مختص كولو هم منظوري وركړه۔ په غونډه كښې د پاكستان بناٶ سرټيفيكېټس لپاره د بانكونو كنسورشيم خدمات ترلاسه كولو لپاره 18 كروړه ټېكنيكل سپليمنټري ګرانټ منظوري هم وركړې شوه
