اسلام آباد 10 دسمبر (اے پي پي)قامي اسمبلۍ ته ووئيل شول ګرد پاكستان كښې د برېښنا بيعه او د سرچارج شرح په سپېځلې ډول ټاكلې كېږي٬ مالاكنډ ډويژن او يا بلې سيمې لپاره د برېښنا بيعې تعين جلا نه شي كېدې٬ تر كال 2025 به هېواد كښې د نمر او سيلۍ څخه توان پېدا كولې شي ٬ تر كال 2030 به د متبادل توان پاليسۍ له مخئ هېواد كښې د 70 نه تر 80 فيصده توان خپلو وسائلو څخه پېدا كوٶ چې ورسره به هېواد پرمختګ وكړي۔ د نهې په ورځ قامي اسمبلۍ كښې د جنېد اکبر خان د مالاکنډ ډويژن د څلورو بجلي ګهرو د لارې د برېښنا پېداوار باوجود دغه سيمه كښې خلقو څخه د برېښنا په بلونو كښې اېندهن سرچارج اخستو په اړه د پام راګرځونې د نوټس په ځواب وفاقي وزير ووئيل دغسې خو زما په خپله حلقه كښې تربېلا او خانپور بندونه هم شته او د غازي بهروته نهر تعلق هم زما د سيمې سره دے۔ ده ووئيل د مالاکنډ ټېرف د هېواد نورو سيمو نه بېل نه شي كېدې ځكه چې مونږ د وسائلو وېش سپېځلې غواړو۔ ده ووئيل تربېلا بند كښې په اوړي كښې د برېښنا پېداوار 1550 ته رسي او په يخنۍ كښې دا پېداوار ډېر كمېږي٬ اوسني حكومت تر 300 يونټ مصرف كوٶنكي ته ريليف وركولو لپاره د برېښنا ټېرف په ځائ ساتلو لپاره 54 اربه روپۍ بېلې كړي دغسې مونږ د بلوچستان ټيوب ويلو لپاره 9 اربه او د فاټا ټيوب ويلو لپاره 12 اربه روپۍ بېلې كړې۔ ده ووئيل كه د مالاکنډ ډويژن د برېښنا حاجت د 150 يا د 300 مېګاٶاټ نه زيات شو نو نوره برېښنا به د كوم ځايه ترلاسه كوي او د دې تګلاره به څه وي٬ دغسې د سوات او مردان سيمو مصرف كوٶنكي به د برېښنا ضرورتونه د كوم ځايه ترسره كوي۔ ده ووئيل هم دا ھغه حقائق دي چې په سوب ئې مونږ د يوې سيمې ټېرف د بلې سيمې نه مختلف نه ساتو۔ وفاقي وزير ووئيل عمر ايوب خان ووئيل د برېښنا بيعه كمولو لپاره متبادل توان راوړاندې كوٶ٬ تر كال 2025 به هېواد كښې د لمر او ونډ انرژي وړاندې كړې شي٬ تر كال 2030 به د متبادل توان پاليسۍ له مخئ هېواد كښې د 70 نه تر 80 فيصده توان د خپلو وسائلو څخه پېدا كوٶ٬ چې ورسره به د روپۍ قدر مستحكم شي او هېواد پرمختګ وكړي
