سیالکوټ۔21فروری(اے پی پی) د اطلاعاتو او خپرونو وفاقي وزير سېنېټر شبلي فراز وئيلي دي سپېځلو ټاكنو لپاره حكومت الېكټرانك ووټنګ پلو روان دے۔ هېواد كښې د سپېځلې ټاكنو كوؤنكي وزيراعظم په ضد ټول غله يو ځائې شول۔ پاكستان تحريك انصاف ډسكه څخه كانديد علي اسجد ملهي ټاكنو كښې كاميابي ترلاسه كړې ده۔ الېكشن كمېشن دې د هغه د ټاكنو نتيجې زر تر زره اعلان كړي۔ هغه د اتوار په ورځ ډسكه كښې د سائنس او ټېكنالوجي وفاقي وزير فواد چوهدري ٬ د پنجاب وزيراعلی خصوصي مرستيالې ډاكټر فردوس عاشق اعوان ٬ عثمان ډار او علي اسجد ملهي سره په ګډه خبري كنفرنس ته خطاب كولو۔ وفاقی وزیر د وزيرانو په ملګرتيا كښې د حق رسېدليو كارمندانو خپلوانو سره غمرازي هم وكړه۔ وفاقي وزير ووئيل د وزيراعظم عمران خان په وېنا مونږ غمجنيو كورنيو سره غمرازۍ له دلته راغلې يؤ۔ هغه ووئيل پاكستان مسلم ليګ نون ټول عمري د ځورولو ٬ پېسې ٬ غنډه ګردۍ او وژنې سياست كړے دے۔ په دې ټاكنو كښې هغوي خپل خاص كسان كومو كښې چې رانا ثناﺀ الله ٬ جاوېد لطيف او نور شامل دي دې مقصد لپاره رالېږلې دي۔ هغه ووئيل دا ټوله غصه او ترهګري ځكه ده چې د نواز شريف بيانيې ماتې خوړلې ده۔ هغه ووئيل په ډسكه كښې د نون ليګ 40 زره ليډ وو خو نن ماتې خوري۔ د دوئي د پښو لاندې زمكه تښتېدلې ده۔ هغه ووئيل زمونږ پارټي د وزيراعظم عمران خان په مشرۍ كښې هېواد كښی بدلون له مخ په وړاندې روانه دے۔ دې سره به د پېسې سياست ختم شي۔ هغه ووئيل ټاكنې سپېځلې جوړولو له الېكټرونك ووټنګ پلو روان يؤ۔ سمندر پورې پاكستانيانو ته د ووټ حق كارولو موقعې وركولو له انتظامات كوؤ۔ د سائنس او ټېكنالوجي وفاقي وزير ووئيل په جیو ټی وی د بريد غندنه كوؤ۔ د پي پي پي ملاتړ كوؤنكو كسانو په جيو ټي وي بريد كړے۔ اختلاف چا سره هم كېدې شي كه د دې ډول بريدونو مخ نيوې ونه شو نو ميډيا چلېدې نه شي۔ كراچۍ كښې دې پوليس په دې لړ كښې فوري كارروائي وكړي۔ هغه ووئيل د ډسكې ټاكنو نتيجې دې الېكشن كمېشن فوري اعلان كړي۔ هغه ووئيل مريم نواز د شپې يوه بجه ټويټ وكړو۔ دا خو الېكشن كمېشن ته هم نه ده معلومه۔ تر دې دمه حتمي نتيجي نه دي راغلې۔ هغه ووئيل علي اسجد ملهي اكثريت سره كامياب شوے دے۔ د پنجاب وزیراعلی د اطلاعاتو او خپرونو مرستيالې ډاكټر فردوس عاشق اعوان ووئيل دې ټاكنو ته جعلي راجكمارې د جنګ نامه وركړې وه۔ د دې درباريانو او كارمندانو او د شاهي كورنۍ ذاتي ملازمانو چې څنګه الېكشن ته د زيان رسولو هڅه كوله او نن ئې ځان سره په سټېج وژونكې ودرولو سره هغه ته څنګه شاباشې وركړو په دې هغې د شهيدانو د وارثانو په زخم مالګه ودوړوله۔ هغې ووئيل ووټ ته د عزت وركړۍ نعره پورته كوؤنكي د ماتې زغملو حوصله نه لري۔
