اسلام آباد۔6اکتوبر (اے پی پی):وفاقی وزیر منصوبہ بندی و ترقی پروفیسر احسن اقبال آکھیے جو عوام دی فلاح بہبود تے خرچ کرݨ کیتے ترقیاتی فنڈز دی لوڑھ اے ،وسائل دی دستیابی کیتے پیداوارودھاوݨ چنڳی طرز حکمرانی اتے استحکام دی لوڑھ اے ،معیشت کوں اڳوں گھن ونڄݨ کیتے گروتھ دی لوڑھ اے جیڑھا جو پیداوار ودھا تے ہی ممکن اے ۔ اے ڳالھ انہاں خمیس کوں ایشیا پروڈکٹویٹی آرگنائزیشن دے زیراہتمام عالمی کانفرنس توں خطاب کریندے ہوئیں آکھی اے ، انہاں آکھیے جو 2018 کوں جݙاں اساکوں اقتدار توں کڈھیا ڳیا تاں پیداوار ودھاݨ دے ساݙی حکومت دے ٻہوں سارے منصوبے ختم کرݙتے ڳے اساں جݙاں 2013اچ اقتدار سنبھالیا تاں پاکستان دنیا دا خطرناک ملک سمجھیا ویندا ہئی اساں اقتدار اچ آتے نہ صرف امن و امان قائم کیتا بلکہ بجلی بحران اتے معاشی بحران تے وی قابو پاتا ۔ انہاں آکھیے ترقی کیتے استحکام اتے پالیسیاں اچ تسلسل دی لوڑھ اے ، اساکوں ترقی کیتے ایکسپورٹ ودھاوݨ دی لوڑھ اے ، احسن اقبال آکھیے 6 فیصد اقتصادی ترقی دے بعد ملک اچ ڈالر دی قلت تھی ویندی اے جیں دی وجہ توں ملکی معیشت کوں ایمرجنسی بریک لاوݨی ہوندی اے ۔
