اسلام آباد ۔ 19مئی (اے پی پی) خارجه وزير شاه محمود قرېشي وئيلي دي پاكستان كوېت سره اړيكې ډېرې مهمې ګڼي۔ د دواړو هېوادونو ترمينځه د اقتصادي مرستې ودې سره به دوه اړخيزه اړيكې مستحكم كول وي۔ د كوېت دورې په مهال د كوېتي تجارانو پلاوي سره خبرو كښې خارجه وزير ووئيل پاكستان سرمايه كارو ته ټولې ممكنه آسانۍ وركوي۔ كوېتي كمپنۍ بايد پاكستان كښې سرمايه كاري وكړي۔ شاہ محمود قرېشی ووئيل د كوېت يو شمېر كمپنۍ پاكستان كښې كاميابۍ سره كاروبار كوي۔ ده ووئيل د تحریک انصاف حکومت د بزنس انفراسټرکچر ډیوېلپمنټ په ايجنډا كار كوي۔ مونږ غواړو چې كوېتي كمپنۍ پاكستان كښې زياته نه زياته سرمايه كاري وكړي۔ شاہ محمود قرېشی د کوېتی بزنس کمیونټی پلاوي ته باور وركړو چې پاكستان بهرنيو سرمايه كارو ته ټولې ممكنه آسانۍ وركوي۔ مونږ پاكستان كښې اقتصادي سفارتكاري پېل كړې ده او په دې لړ كښې ټولو سفارتخانو ته خصوصي هدايات جاري كړې شوي دي چې هغوي دې سرمايه كار پاكستان كښې د موجوده فعاله كاروباري موقعو څخه خبر كري او هغوي ته دې سرمايه كارۍ لپاره ترغيب وركړي۔ خارجه وزير ووئيل د معيشت ري سټركچرنګ لپاره د جوړې كړې شوې لوړې كچې كمېټۍ مشري او نګراني وزيراعظم عمران خان پخپله كوي۔
