اسلام آباد۔17اکتوبر(اے پی پی) د بهرنیو چارو وزیر جلیل عباس جیلاني (سبا) د شورؤ په ورځ د سعودي عربستان په جده ښار کښې د اسلامي مرستې تنظيم (او آئي سي) په بېړنۍ وزارتي غونډه كښې ګډون كوي۔ د خارجه دفتر لخوا د نهې په ورځ د جاري شوي بيان له مخې خارجه وزير جليل عباس جېلاني به د اسلامي مرستې تنظيم په 18 اكتوبر د سعودي عربستان په جده ښار كښی كېدونكې د او آئي سي د اېګزېكټو كمېټۍ بېړنۍ وزارتي غونډه كښې ګډون كوي۔ دا غونډه د غزې د کړکیچ او دغلته د محاصره شویو عامو وګړو د بشري وضعیت جاج اخستلو له رابللې شوې ده۔ جليل عباس جېلاني به د وزیرانو په غونډه کښې په غزه کښې د جدي بشري وضعیت په اړه د پاکستان سختې اندیښنې وړاندې کوي۔ د بهرنیو چارو وزیر به په دې غونډه کښې د جنګ بندۍ ٬ د محاصره ختمولو او د غزې اولس ته د مرستې رسولو په فوري ضرورت زور راوړي۔ په دې موقعه به خارجه وزير د نورو او آئي سي غړو هېوادونو له خپلو هم منصبانو سره هم ملاقاتونه كوي۔
