اسلام آباد 01 نومبر (اے پي پي) سېنېټ د فلسطين اولس سره د يوالي څرګندونې او د اسرائيل جارحيت او بربريت په ضد د غندنې قرارداد په يوه خله منظور كړدے دے ۔ د شورو په ورځ د سېنېټ غونډه كښې د حكومتي ډلې مشر سېنېټر اسحق ډار قرارداد وړاندې كړو چې سېنېټ آف پاکستان په غزه كښې د فلسطينيانود نسل کشي په معامله پخپلې هنګامي غونډه كښې د انسانيت په ضد د اسرائيلي جرائمو او د رياستي ترهګرۍ غندنه كوي، د نړۍ په پرانستي زندان غزه كښې مېشته د فلسطين بې ګناه كوچنيان٬ مېرمنې او د نارنيناٶ په ضد رياستي ترهګري روانه ده٬ دا ايوان اعلان كوي په دوېم جنګ عظيم كښې د هولوکاسټ نه پس يو هېواد هم د دا ډول بربريت او په لويه كچه د قتل عام او جنګي جرائمو ارتكاب نه دے كړے۷ په قرارداد كښې مظلومو فلسطينانو سره ديووالي او بشپړ ملاتړ څرګندونه شوې او د اسرائيل د ملاتړ كوٶنكو د دومخيزه معيار او منافقت غندنه شوې ده ۔ په قرارداد كښې ووئيل شول دا ايوان په غزه كښې د جنګ بندۍ٬ د اسرائيل د ناكه بندۍ خاتمه او د غزه وګړو ته داروګان، خوراك، اوبه او د ضرورت نور سامان وركولو لپاره د بشري حقونو نړيوالو تنظيمونو ته تر غزه د رسائي مطالبه كوي۔ دا ايوان د اسلامي نړۍ د مقدسو ځايونو بې حرمتۍ لپاره كېدونكو د ټولو سرائيلي كاروائيو لاره نيولو او د اسرائيلي جارحيت او د قبضې ختمولو هم مطالبه كوي٬ دغسې د غړو د بحث نه پس د قرارداد په يوه خله منظوري وركړې شوه
