کراچی۔ 24 فروری (اے پی پی) صدر مملکت ڈاکٹر عارف علوی آکھیے جو شاہ عبداللطیف بھٹائی جیہوجے صوفی شعراءسمیت سندھ دے شعراءدنیا کو ںامن تے محبت ا پیغام ڈتے جیں کوں تعلیم دے ذریعے عام کرنڑ دی ضرورت اے ، سندھ دا کلچر اتے ثقافت سندھ دھرتی دا زیور اے،نفرتاں کھنڈاونڑ سندھ دی ثقافت دے خلاف اے ، پاک فوج دہشت گردی دے عنصر کوں سرحداں تے روک ڈتے ،کرپشن دے ہوندیں ہوئیں معاملات بہتری دے پاسے نئیں ونج سگدے۔اے گال صدر ڈاکٹر عارف علوی اتوار کوں اتھاں سندھ ادبی میلے دی تقریب توں خطاب کریندے ہوئیں آکھی ۔صدر مملکت آکھیا جو سندھ صوفیا کرام دی دھرتی اے ،شاہ عبداللطیف بھٹائی جیہوجے صوفی شخصیات اپنڑے کلام دے ذریعے امن دا پیغام ڈتا جیں تے عمل کرنڑ دی ضرورت اے ۔انہاں آکھیا پاکستان معاشی ترقی دے رستے تے ٹردا پئے موجودہ حکومت بہتر معاشی پالیسیاں بنڑیندی پئی اے تاں جو ملک معاشی استحکام دے پاسے ودھسی ۔ صدر ڈاکٹر عارف علوی آکھیا جو پوری دنیا اچ کتاب دا رحجان گھٹ تھیندا ویندے جیں تے اساکوں توجہ کرنڑیں پوسی۔ انہاں آکھیا اساں محبت اتے امن دے پیغام کو ںکتاب دے ذریعے عام کرنڑاں اے ۔ صدر مملکت آکھیا جو سندھ دا کلچر اتے ثقافت سندھ دھرتی کیتے زیور اے نفرتاں کھنڈاونڑ سندھ دی ثقافت دے خلاف اے ۔انہاں آکھیا سندھ اچ اقلیتاں دے نال وی کڈاہیں ناروا سلوک کائنی تھیا ۔ صدر مملکت آکھیا اساں دہشتگردی دے خلاف جنگ اچ کامیابیاں حاصل کیتن جیں کیتے پاکستانی قوم تے فوج قربانیاں ڈتن۔
.jpg)
