اسلام آباد۔12اگست (اے پی پی) پاکستان دے پہلے منتخب وزیراعظم شہید لیاقت علی خان دے بعد وزیراعظم شہباز شریف او ݙوجھے وزیراعظم بݨ ڳئن جیڑھے پاکستان دے 75 سال پورے تھیوݨ تے ٻہوں وکھرے انداز اچ ریکارڈ کیتے ڳئے قومی ترانے دا اجراء 14 اگست 2022ء کوں کریسن۔ جاری پریس ریلیز دے مطابق قیام پاکستان دے بعد پہلی واری دسمبر 1948 کوں سردارعبدالرب نشتر دی سربراہی اچ حکومت پاکستان دی کمیٹی قومی ترانے دی تیاری تے کم شروع کیتا ہئی۔ احمد چھاگلا دی ٻݨائی ڳئی دھن کوں پہلی واری وزیراعظم لیاقت علی خان اتے کمیٹی دے ارکان دے سامھے پیش کیتا ڳیا ہئی۔ قومی ترانے کیتے ٻݨی سٹیئرنگ کمیٹی 10 اگست 1950 کوں ایں دھن دی منظوری ݙتی ہئی۔ اگست 1954 اچ حفیظ جالندھری دی تحریر کردہ کمپوزیشن کوں باضابطہ منظور کر ڳھدا ڳیا۔ پاکستان مسلم لیگ (ن) دے گزریل دور حکومت اچ اگست 2017 اچ قومی ترانے کوں ولا ریکارڈ کرݨ دا سلسلہ شروع تھیا۔ مریم اورنگزیب اپریل 2022 اچ وزارت اطلاعات دا قلمدان سنبھالݨ دے بعد ایں منصوبے تے ولا کم شروع کیتا۔ مسلح افواج دے محکمہ تعلقات عامہ (آئی ایس پی آر) دی سانجھ نال ترائیں مسلح فوج دے براس بینڈز (سازینہ) وی ایں قومی کوشش اچ شامل ہن۔ اچ اچ گلوکاراں، 48 موسیقاراں اتے 6 بینڈ ماسٹرز شرکت کیتی اے۔
.jpg)
