اسلام آباد۔24ستمبر (اے پی پی):وزیراعظم محمد شہباز شریف آکھیے جو موسمیاتی اثرات توں آند??اں نسلاں کوں بچاوݨ کیتے عالمی کوششاں کوں تکھا کرݨ دی لوڑھ اے عالمی مالیاتی فنڈ اتے ورلڈ بینک دے اعلی حکام نال سیلاب دی ص??رت??ال بہتر تھیوݨ تئیں قرضیں دی ادائیگی اتے ٻ??اں شرطاں کوں موخر کرݨ دی استدعا کیتی اے ، پاکستان امریکہ نال چنڳے تے پرجوش تعلقات چاہندے ، گزریل حکومت دے غیرضروری اقدامات پاکستان دے خودمختار مفادات کیتے نقصان دہ ہن، طالبان کنے دوحہ معاہدے دی پاسداری کرتے افغانستان اچ ام?? تے ترقی کوں یقینی بݨاوݨ دا سنہری موقع اے، افغانستان دے منجمد اثاثے بحال کیتے ونڄن ۔ ایسوسی ایٹڈ پریس (اے پی) کوں ݙتے ڳئے آپݨے انٹرویو اچ وزیراعظم آکھیے جو اقوام متحدہ تے دنیا کوں ݙسائے جو موسمی اثرات دی وجہ تو?? جنہاں سیلابی تباہ ??ار??اں دا پاکستان کوں سامݨا اے کل اے سانحہ کہیں ٻئے ملک دے نال وی تھی سڳدے ، جنرل اسمبلی اچ شریک عالمی رہنماواں تے زور ݙتے جو او آپݨی آوݨ آل??اں نسلاں دی حفاظت کیتے لچک دار انفراسٹرکچر اتے موافقت کیتے کٹھے کھڑے تھیو?? تے ایں کیتے وسائل اکٹھے کرن۔ انہاں آکھیے جو ترائے مہینے دی سیلابی تباہی توں پاکستان دی معیشت کوں 30 ارب ڈالر توں ودھ دا ضیان تھئے ، اقوام متحدہ دے سیکرٹری جنرل نال فوری ڈونر کانفرنس دے انعقاد دی استدعا کیتی اے ۔ انہاں آکھیے جو پاکستا?? تے موسمیاتی تبدیلی دے اثرات ٻہوں زیادہ ہن ، سینکڑاں ٻالاں سودھے 1600 توں ودھ لوک جاں بحق تھئے ، 40 ایکڑ تے کھڑ??اں فصلاں تباہ تھئن ، لکھاں مکاںاں کوں ضیان پڄے ، انہاں دی زندگی دی جمع پونجی مک ڳئی اے ، ہزاراں کلومیٹر سڑکاں تباہ تھی ڳئن، ریلوے پل، ریلوے ٹریک، مواصلات دا نظام درہم برہم تھی ڳئے ۔ ایں دی بحالی کیتے فنڈز درکار ہن۔ انہاں آکھیے جو پاکستان عالمی حدت دا سبب بݨݨ آلے عالمی حدت دا ھک فیصد توں وی گھٹ اخراج دا ذمہ وار اے۔ ھک سوال دے جواب اچ وزیراعظم آکھیے جو جون دے ادھ اچ سیلاب شروع تھیوݨ توں پہلے پاکستان اچ اناج دی قلت اتے خام تیل د??اں ودھ??اں قیمتاں دی وجہ توں شدید چیلنجز دا سامݨا ہئی جیڑھا جو بنیادی طور تے روس یوکرین جھیڑے دی وجہ توں تھیا ہئی انہاں آکھیے جو وݙے پیمانے تے سیلاب توں تھیوݨ آلی تباہی انہاں چیلنجز کوں مزید ودھا ݙتا ۔ وزیراعظم آکھیے جو پوری دنیا توں ملݨ آلی امداد کوں ٻہوں مضبوط اتے شفاف طریقہ کار دے تحت ضرورت مند لوکاں تئیں پڄایا ویسی جݙاں جو بین الاقوامی معروف کمپن??اں دے ذریعے تھرڈ پارٹی آڈٹ وی یقینی بݨایا ویسی ، وزیراعظم آکھیے جو انٹرنیشنل مانیٹری فنڈ اتے ورلڈ بنک دے اعلی حکام نال ملاقات اچ سیلاب دی صورت حال بہتر تھیوݨ تعیں پاکستان دے پاکستان دے ذمہ واجب الادا قرضیں دی ادائیگی تے ٻ??اں شرطاں کوں موخر کرݨ دی اپیل کیتی اے ۔وزیراعظم آکھیے پاکستان امریکہ نال چنڳے تعلقات چاہندے ، گزریل حکومت ایں سلسلے اچ جیڑھا کجھ وی کیتے او سارا غیر ضروری ہئی تے اے پاکستان دے خود مختار مفادات کیتے نقصان دہ ہئی ، اے سارا کجھ پاکستان دے عوام دی توقعات دے مطابق کائناں ہئی ۔
