اسلام آباد۔2جولائی(اے پی پی)صدر مملکت ڈاکٹر عارف علوی نال سعودی عرب دے سفیر نواف بن سعید المالکی ایوان صدر اسلام آباد اچ ملین۔ انہاں ݙوطرفہ تعلقات، باہمی تجارت و سرمایہ کاری اچ تعاون ودھاوݨ، تے زور ݙیندے ݙوہاں ملکاں وچال مشترکہ عقیدے، ثقافت، ریت اتے باہمی خیر سگالی دے تعلقات ٻئے تکڑے کرݨ تے اتفاق کیتے۔ صدر مملکت آکھیا جو پاکستان توانائی، سائنس، ٹیکنالوجی، زراعت اتے ثقافت سودھا باہمی دلچسپی دے شعباں اچ تعاون چاہندے، کرونا نال نبڑݨ کیتے تعاون اچ سعودی حکومت دے مشکور ہیں۔ سعودی سفیر یقین ݙیوایا جو سعودی عرب ہر اوکھے سوکھے ویلھے پاکستان دے نال اے ایں سانڳے ہر ممکن ڳانڈھا جاری رکھیا ویسی۔
