اسلام آباد۔29ستمبر (اے پی پی) وفاقی وزیر ہوابازی تے ریلویز خواجہ سعد رفیق پاکستان دے چھوٹے ایئرپورٹس کوں فعال کرݨ کیتے چینی بجٹ ایئرلائینز دی پی آئی اے نال سانجھ دی پیشکش کیتی اے۔ پی آئی اے دے ترجمان عبداللہ حفیظ کان ولوں خمیس کوں جاری بیان موجب اے پیشکش انہاں گزریل ݙینھ پاکستان اچ چین دے سفیر ولوں آپݨے اعزاز اچ ݙتے ڳئے عشائیہ اچ ڳالھ مہاڑ کریندیں ہوئیں آکھی۔ چیئرمین ریلوے ،ایڈیشنل سیکرٹری ریلوے، سیکرٹری ایوی ایشن ، پی آئی اے دے چیف ایگزیکٹو افسر وی وفاقی وزیر نال ہن۔ ایں موقع تے ایم ایل۔1 منصوبے دے جلد آغاز تے اتفاق کیتا ڳیا۔
